ضوابط وشروط التقديم الى الامتحانات الخارجيه من الالف الى الياء لكل السنوات

اكو فئه دائما تسأل وهم الذين تركوت الدراسه من زمن لضروف وحاب يرجع يقدم مره لخ مهماً كان عمره يحق اله ان يقدم ومن ثم يروح كليه حاله حال كل الطلبه من خريجي السادس الاعدادي بالضبط

وايضا من خلال هذا القانون ايضا تكدر اتقدم لاكثر من شهاده وانت خريج مثلا علوم وتريد اتكون قانون او شهاده اتخص الادبي تكدر اتقدم وتدرس الادبي وتاخذ الشهاده وتدخل كليه وتصير عندك شهاتين

طبعا امتحانات النهائيه لكل المراحل حتكون مع الجدول الصباحي انت مشمول وياهم الي اتخصصه وزراه التربيه للطلبه العاديين وطبعا انت لازم اتكون امقدم واسمك موجود ومقبول للخارجي ودائما يكون بدايه التقديم بشهر ال11 ويستمر لاكثر من 40 يوم تقريبا حسب قرارات الوزاره سميت الامتحانات الخارجي بالتمهيديه لان اكو امتحان تمتحنه ضروري وهوا الي راح يأهلك الى الامتحان النهائي طبعا اتحدده الوزارة وبي جدول يشمل لطلبه الخارجي من الابتدائيه والمتوسطه والاعدادي والمهني ... الخ ويكون بالشهر الثاني او الثالث هنه 7 مواد تمتحن بيهن كلهن من البدايه الى النهايه اذا نجحت ا4 يكفي انة تتأهل وتصير طالب حالك حال السادس ابتدائي او الاعدادي

اذن هوا اختبار بالنسبه الك اذا نجحت ب4 دروس من 7 يتم قبولك للامتحانات النهائيه الي اتصير بشهر 6 مع الطلبه الاعتياديين واذا رسبت مثلا ب5 لم يتم تأهلك ويحق الك بالسنه القادمه ان اتقدم والك حق 5 مرات اتقدم وممكن اتصير 6

ومن تتخرج وتكمل الابتدائي والمتوسطه والاعدادي وتتخرج راح اتروح كليه حالك حال الطلبه الصباحه ماكو فرق نهائي انت مشمول وياهم بالقبولات المركزيه والمباشره والاهليه والموازي .. الخ

المطلوب منك من اللجنه الدائميه للامتحانات مطالبه سهله مو صعبه بس تتخطى انت الامتحان التمهيدي والباقي حالك حال الصباحي هاي الصعوبه الوحيده بالموضوع .